Pas sulmit në një qendër tregtare në Kopenhagë, ku një person la të vdekur një numër të paspecifikuar njerëzish dhe disa të tjerë të plagosur, ka reaguar kryeministri i Kosovës, Albin Kurti, i cili u ka shprehur ngushëllime familjeve që humbën të dashurit e tyre.
Kurti, me anë të një postimi në llogarinë e tij në Twitter, ka thënë se Kosova qëndron krah Danimarkës dhe popullit të saj.
“Zemrat tona janë me popullin e Danimarkës këtë mbrëmje. Ngushëllime familjeve që kanë humbur njerëzit e dashur. Kosova qëndron vendoshmërisht me Danimarkën”, shkroi Kurti.
Our hearts go out to the people of Denmark this evening.
Sending our thoughts to those affected by the violent mass victim event at a shopping mall in Copenhagen. Condolences to the families who have lost loved ones. Kosova stands firmly with #Denmark— Albin Kurti (@albinkurti) July 3, 2022
Ndryshe, sulmuesi i dyshuar, i cili është në paraburgim, është një 22-vjeçar, i cili është arrestuar pranë qendrës tregtare Field’s. Kështu ka deklaruar inspektori i policisë, Soren Thomassen.
Megjithatë, ai nuk ka dhënë asnjë detaj të mëtejshëm për viktimat apo të dyshuarit.
Ndërkohë, spitali kryesor i kryeqytetit danez, Rigshospitalet, ka pranuar një “grup të vogël pacientësh”, për trajtim.
Kështu është shprehur një zëdhënës për Reuters, teksa ka shtuar se spitali ka thirrur staf shtesë, duke përfshirë kirurgë dhe infermierë.
Qendra tregtare është në periferi të Kopenhagës, përballë një linje metroje që lidh qendrën e qytetit me aeroportin ndërkombëtar.
Disa të vdekur nga të shtëna me armë zjarri në një qendër tregtare në Kopenhagë