Kryeministri i Kosovës, Albin Kurti, është mburrur me buxhetin e miratuar për vitin e ardhshëm i cili u votua këtë të enjte në Kuvendin e Kosovës.
Buxhetin prej 3.2 miliardë euro, Kurti e ka cilësuar si buxhetin më të lartë dhe më gjithëpërfshirësin në histori të shtetit të Kosovës.
“Me 65 vota për, Kuvendi i Republikës së Kosovës e votoi Buxhetin për vitin 2023. 3.2 miliardë është buxheti i Republikës sonë për vitin e ardhshëm, e që është jo vetëm më i larti ndonjëherë, por edhe më gjithëpërfshirësi”, ka shkruar Kurti.
Kurti ka thënë se buxheti i vitit të ardhshëm me vlerë 3.2 miliardë euro do të shkojë në arsim, shëndetësi, ushtri, bujqësi, ekonomi e kulturë.
300 milionë euro sipas Kurtit do të shkojnë në shëndetësi
280 milionë në arsim,
Mbi 300 milionë për siguri dhe ushtri,
Rreth 90 milionë për bujqësi,
Rreth 60 milionë për kulturë dhe sport
60 milionë për shtesa për lehona e shtesa për fëmijë
15 milionë për rezerva shtetërore
20 milionë për punësim
40 milionë mbështetje për investime në ndërmarrje publike
6 milionë për funksionalizim të terminaleve doganore shtetërore.