Kurti për masakrën në Bucha: Autorët të sillen para drejtësisë

Kryeministri i Kosovës, Albin Kurti, pas masakrës së Bucha-s, ku forcat ruse kanë vrarë civilë, ka thënë se autorët duhet të sillen para drejtësisë dhe Rusia duhet të mbajë përgjegjësi.

Teksa u është bashkuar liderëve të tjerë të shteteve që kanë dënuar masakrën ruse në Bucha të Ukrainës, Kurti me anë të një postimi në Twitter, ka thënë se skenat e publikuara janë të njohura nga regjimet gjenocidale.

“Varret masive, njerëz të vrarë brutalisht me pjesë trupi të humbur, shtëpi të djegura dhe qytete të kthyera në rrënoja janë të gjitha skena të njohura nga regjimet gjenocidale”, ka shkruar Kurti.

Lidhur me këtë, ka reaguar ashpër edhe presidenti i Ukrainës, Volodymyr Zelensky, i cili sulmin rus në Bucha e ka cilësuar si gjenocid.

“Në të vërtetë ky është një gjenocid”, është shprehur Zelensky gjatë një paraqitjeje në programin “Face the Nation, të CBS News.

Sipas tij, ajo çfarë po ndodh në Ukrainë është eliminimi i të gjithë kombit dhe popullit.

“Ne jemi qytetarët e Ukrainës. Ne kemi më shumë se 100 kombësi. Bëhet fjalë për shkatërrimin dhe shfarosjen e të gjitha këtyre kombësive”, ka shtuar ai.

Në anën tjetër, edhe ministri i Jashtëm ukrainas, Dmytro Kuleba, i ka kërkuar botës t’i përgjigjet “masakrës” që ai thotë se ka ndodhur në qytetin Bucha, afër Kievit.

“Rusët synojnë të eliminojnë sa më shumë ukrainas që të munden”, kishte shkruar ai në një postim në Twitter, duke i bërë thirrje grupit G7 të vendeve më të pasura në botë që të vendosin sanksione ndaj Rusisë si përgjigje.

Kurse, kryetari i bashkisë së Bucha-s, Anatoly Fedoruk, kishte deklaruar se ka pothuajse 300 njerëz të varrosur në varre masive.

Dhe në të njëjtin qytet, sipas tij, të paktën 20 trupa të veshur me rroba civile u gjetën në rrugë të shtrirë, të vdekur.

Njëra prej kufomave i kishte duart e lidhura, siç dëshmuan edhe gazetarët në vend nëpërmjet fotove.

Shija e redaktorit

Ballkani me fitore historike, një hap larg kualifikimit në Ligën...

Ballkani ka fituar ndeshjen ndaj Shkupit në kuadër të play-offit të Ligës së Konferëncës në Stadiumin “Todor Proeski” në kryeqytetin e Maqedonisë së Veriut. Ekipi...

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

Më të lexuarat

“Kemi pritur mjaft, është koha për paqe” thonë qytetarët në...

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit. Të heshtur por në...

Escobar pas takimit me Kurtin: Asociacioni duhet të formohet sipas...

I dërguari i Shteteve të Bashkuara të Amerikës për Ballkanin Perëndimor, Gabriel Escobar, pas takimit me kryeministrin e Kosovës Albin Kurti, ka thënë se...

Mandl kërkon sqarim nga BE-ja për referimin ndaj kryeministrit Kurti...

Në njoftimin e faqes zyrtare të Bashkimit Evropian(BE) për takimin që u mbajt të enjten e 18 gushtit në kuadër të dialogut Kosovë-Serbi, është...

Të fundit nga rubrika