Kryeministri i Kosovës, Albin Kurti, të premten e tre shkurtit do të jetë për vizitë pune në Turqi.
Siç shkruajnë mediat turke nga një njoftim i lëshuar nga Drejtoria e Komunikimeve të Presidencës turke, bëhet e ditur se Kurti do të qëndrojë për vizitë me ftesë të presidentit turk, Recep Tayyip Erdogan.
Në këtë takim do të shqyrtohen aspekte që kanë të bëjnë me marrëdhëniet dypalëshe mes Turqisë dhe Kosovës dhe do të diskutohen hapa që mund të ndërmerren për zhvillimin e mëtejshëm të bashkëpunimit mes këtyre vendeve, thuhet në njoftim.
Ndër të tjera, aty theksohet se do të diskutohet edhe për çështjet rajonale dhe ndërkombëtare, veçanërisht në Ballkan.