Deputeti i Aleancës për Ardhmërinë e Kosovës (AAK), Besnik Tahiri, ka reaguar pasi Gjykata Kushtetuese e rrëzoi pjesërisht Ligjin e Pagave.
Përmes një postimi, Tahiri e ka cilësuar këtë situatë si “dështim pas dështimi“.
“Anëtarët e kësaj qeverie, i madh e i vogël, kanë nevojë për trajnime nga ish Gjykatësit e Gjykatës Kushtetuese, nga njohës të shtetit të së drejtës, si dhe nga njohjës të ndarjes së pushteteve në një shtet demokratik”, ka shkruar Tahiri.
Deputeti Tahiri është shprehur se këto janë rezultate të “një logjike të mbrapshtë“.
Gjykata Kushtetuese e ka aprovuar kërkesën e Avokatit të Popullit në lidhje me vlerësimin e kushtetutshmërinë e Ligjit për Pagat në Sektorin Publik.
Kështu, Kushtetuesja ka rrëzuar disa nga nenet e këtij ligji.
Lexo dhe: Kushtetuesja rrëzon pjesërisht Ligjin e Pagave
Më tej, Kushtetuesja i ka kërkuar Kuvendit që brenda 6 muajve, nga hyrja në fuqi e këtij Aktgjykimi, t’i ndryshojë nenet e Ligjit, të cilat janë shpallur antikushtetuese.