Me 89 vota për, deputetët e Kuvendit të Kosovës kanë miratuar kërkesën për shmangien e procedurave lidhur me shqyrtimin në lexim të dytë të Projektligjit për ndryshimin dhe plotësimin e Ligjit për Dhomat e Specializuara.
Kërkesa për shmangien e procedurave u propozua nga Lëvizja Vetëvendosje dhe u mbështet me shumicë votash nga deputetët.
Kryetarja e Kuvendit, Albulena Haxhiu, tha se projektligji duhet të shqyrtohet menjëherë nga komisionet dhe më pas të procedohet për votim në lexim të dytë.
“Nga komisionet të shqyrtohet menjëherë dhe të vazhdohet me lexim të dytë”, ka thënë Haxhiu.
Pas përfundimit të procedurave dhe votimit të këtij projektligji, deputetët pritet të votojnë për zgjedhjen e presidentit të Kosovës.
Ndërkohë, kanë mbetur rreth 30 minuta deri në përfundimin e afatit kushtetues për zgjedhjen e presidentit.