Lidhja Demokratike e Kosovës (LDK) e ka ripërsëritur qëndrimin e saj se Kosova nuk duhet të pranojë asnjë marrëveshje që nuk e sjell njohjen e pavarësisë nga Serbia.
Në reagimin e tyre thuhet se “çdo devijim nga ky orientim strategjik është përgjegjësi e pariparueshme e Qeverisë aktuale”.
“Për LDK-në, Kosovës nuk i duhet një marrëveshje bazë që nuk përmban njohjen. Vendit tonë i duhet një marrëveshje përfundimtare që në thelb ka njohjen e ndërsjellë ndërmjet dy vendeve – si shtete të pavarura e sovrane”, thuhet në njoftim.
LDK, po ashtu, ka kërkuar raportim të kryeministrit Albin Kurti, në Kuvendin e Kosovës mbi procesin e dialogut.
“Injorimi i institucionit të përfaqësuesve të popullit nuk i jep legjitimitet asnjë procesi jetik për vendin”, thuhet në komunikatë.