Në rrethana të panjohura, dy persona janë lënduar rëndë në vendin e tyre të punës në komunën e Prizrenit.
Sipas Policisë, njëri nga të lënduarit është dërguar në QKUK, kurse tjetri është liruar pas tretmanit të nevojshëm në Spitalin e Prizrenit.
Pas hetimeve nga Policia e Kosovës, është arrestuar një i dyshuar, i cili me urdhër të prokurorit është dërguar në mbajtje.
“Në rrethana të panjohura dy punëtorë meshkuj kosovarë, kanë pësuar lëndime trupore në vendin e tyre të punës. Ku njëri nga të lënduarit është dërguar në QKUK për tretman të mëtutjeshëm mjekësor, ndërsa tjetri është liruar pas tretmanit mjekësor në Spitalin e Prizrenit. Pas hetimeve të zhvilluara lidhur me rastin, është arrestuar i dyshuari kosovar dhe i njëjti pas intervistimit me urdhër të prokurorit është dërguar në mbajtje. Rasti duke u hetuar”, thuhet në njoftim.