Terroristi Millan Radojiçiq është liruar nga paraburgimi.
Gjykata e Lartë në Beograd ka refuzuar propozimin Prokurorisë së Lartë Publike për të caktuar masën e paraburgimit.
Ndaj Radojiçiqit është caktuar masa e ndalimit për t’u larguar nga Serbia pa miratimin e gjykatës dhe i është ndaluar hyrja në Kosovë, ka raportuar mediumi serb Danas.
Sipas këtij vendimi, Radoiçiq do të duhet të paraqitet në stacionin policor kompetent në datat 1 dhe 15 të çdo muaji.
Po ashtu, terroristit Radoiçiqit, i është konfiskuar përkohësisht pasaporta, teksa është paralajmëruar se ndaj tij mund të caktohet masa e paraburgimit nëse i shkel ndalesat dhe detyrimet e gjykatës.
Ndërsa, Prokuroria e Lartë Publike ka kërkuar një muaj paraburgim, me arsyetimin e rrezikut të arratisjes.
Ndryshe, me 3 tetor Millan Radoiçiq është dërguar në paraburgim, kështu duke mbajtur 48 orë paraburgim.
Radoiçiq ishte pjesë e grupit që kreu sulm terrorist në Banjskë të Zveçanit më 24 shtator.
Ai ishte nënkryetar i Listës Serbe, nga e cila ka thënë se ka dhënë dorëheqje pas zbulimit se ishte pjesë e grupit që kreu sulmin terrorist.
Policia e Kosovës ka sekuestruar një vilë të tij të ndërtuar afër liqenit të Ujmanit dhe disa vetura.
Ai është i kërkuar nga institucionet e Kosovës për disa vepra kriminale si dhe është në listën e zezë të SHBA-së.