LVV për Ramën: Përpiqet të marrë ekskluzivitetin e Lojërave Mesdhetare, s’ka asnjë kontribut

Konferenca e fundit e kryetarit të Prishtinës, Përparim Rama, për organizimin e Lojërave Mesdhetare 2030 është bërë objekt i kritikave nga Lëvizja Vetëvendosje, e cila ka akuzuar Ramën për mungesë të informacionit dhe përgjigjeve konkrete

Lëvizja Vetëvendosja ka akuzuar kryetarin e Prishtinës, Përparim Rama, për mungesë të informacionit dhe përgjigjeve konkrete në lidhje me organizimin e Lojërave Mesdhetare 2030.

Kryetari i Prishtinës gjatë konferencës të hënën u përball me pyetje nga gazetarët në lidhje me financimin dhe përgatitjet për këtë ngjarje të madhe sportive, por sipas LVV-së, ai nuk mund të jepte përgjigje të qarta, ndërsa tenton të shfrytëzojë ngjarjen për të fituar përkrahje.

“Në vend se Përparim Rama të mbante konferencë për media mbi arrestimet e dy njerëzve më të afërm të tij, ai u përpoq të sjellë ekskluzivitetin e Lojërave Mesdhetare 2030, punë për të cilën nuk e ka asnjë kontribut të vetëm”, ka shkruar LVV-ja në Facebook.

Lëvizja Vetëvendosje publikoi një video nga konferenca, ku shfaqen pyetjet e gazetarëve dhe përgjigjet e Ramës. Në njërën prej pyetjeve, gazetari e pyeti kryetarin e Prishtinës se sa do të jetë shuma e investuar nga Komuna e Prishtinës për këtë ngjarje.

Rama përgjigjet me fjalët: “Nuk kemi një shumë të caktuar të parashikuar, por jemi të fokusuar që të jenë lojëra fantastike.”

Lëvizja Vetëvendosje e ka kritikuar Ramën për këtë përgjigje, duke thënë se ai nuk kishte asnjë informacion të rëndësishëm dhe nuk mund të ofronte detaje të konkrete lidhur me organizimin e ngjarjes.

Ata gjithashtu kanë akuzuar Ramën për tentativën e tij për të sjellë ekskluzivitetin e Lojërave Mesdhetare 2030, madje sipas tyre, ai as nuk është i përfshirë në organizim.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika