Njohësi i çështjeve politike, Agon Maliqi, ka reaguar mbi zhvillimet e fundit në veri të vendit.
Maliqi ka thënë se synimi i Vuçiqit është që të mos realizohet propozimi franko-gjerman, por sipas tij, “ky dështim të bëhet asisoj që në sytë e perëndimit faji t’i mbetet edhe Kosovës”.
Tutje, njohësi i çështjeve politike ka theksuar se ky skenar është i vetmi që Serbisë ia siguron mundësinë për ta vazhduar balancimin mes perëndimit dhe Rusisë, dhe që Vuçiqit ia garanton pushtetin.
“Synimi i Vuçiqit është që të mos realizohet propozimi franko-gjerman, por që ky dështim të bëhet asisoj që në sytë e perëndimit faji t’i mbetet edhe Kosovës. Ky skenar është i vetmi që Serbisë ia siguron mundësinë për ta vazhduar balancimin mes perëndimit dhe Rusisë, dhe që Vuçiqit ia garanton pushtetin”, ka shkruar Maliqi.