Në të gjitha hapësirat arsimore në vend funksionojnë vetëm 30 inspektorë të arsimit.
E RTV Dukagjini kishte raportuar në qershor të vitit 2022 për këtë problematikë ku studentë e nxënës kishin thënë që asnjëherë nuk kanë hasur në inspektim të tyre.
Po në atë kohë, televizionit i ishte thënë se do të rekrutohen edhe 30 të tjerë.
“Po do të shtohet numri I inspektorëve edhe për 30 veta. Jemi në proces të rekrutimit”, kishte thënë Ministria e Arsimit më 23 qershor, 2022.
Por, në të dielën e parë të muajit tetor, ka ky dikaster njoftuan se shumë shpejt do të hapet konkursi jo për 30 por 20 inspektor.
“Në mbledhjen e 99 të Qeverisë, kemi votuar komisionin intervistues, për rekrutimin e 20 inspektorëve dhe shumë shpejt do të hapet konkursi. Fokusi ynë është që rekrutimi të bëhet sipas 7 fushave të kurrikulës arsimore, duke plotësuar vendet e lira me kuadrin që e kemi në mungesë”, ka deklaruar Ministria e Arsimit më dy tetor të vitit 2022.
Për rëndësinë e pjesëmarrjes së inspektoreve ka folur profesori universitar, Faton Ismajli.
Sipas tij edhe ata që rekrutohen janë të pamjaftueshëm për ti inspektuar të gjitha shkollat e vendit.
“Numri kaq I vogël tash llogarite, 30 janë, 20 po thojnë kanë me i shtua e realisht do të duhej që sivjet të shtohen 100, në vitin e ardhshëm 100 inspektor të tjerë, janë një mijë shkolla e nuk mund të inspektohen mbi një mijë shkolla me 30 ose 50 janë shumë shumë pak”, ka thënë Faton Ismajli – Profesor në UP.
Televizioni ka kërkuar përgjigje nga Ministria e Arsimit se pse është zvogëluar kërkesa për 10 inspektor të arsimit por të njëjtit nuk kanë kthyer përgjigje.
Inspektorët e arsimit angazhohen për mbikëqyrjen e kritere të pranimit, kritere zyrtare për pranimin e nxënësve dhe të studentëve në institucionet arsimore të të gjitha niveleve.