Mazreku: Nga 16 marsi s’ka më vetura pa stikersa

FOTO:EO

“Që nga e enjtja e 16 marsit asnjë automjet nëpër rrugët e Kosovës nuk duhet të jetë pa ngjitës (stikers) i cili dëshmon se automjeti në fjalë ka të kryer procesin e regjistrimit, ashtu siç parashihet me ligjet në fuqi”.

Kështu ka bërë të ditur drejtori i Byrosë Kosovare të Sigurimit, Sami Mazreku për EO.

Mazreku ka thënë se gjatë vitit të parë të zbatimit të projektit për vendosjen e ngjitësve (stikersave), i mbështetur financiarisht 100 për qind nga kompanitë e sigurimeve që operojnë në vendin tonë rezultatet janë të dukshme.

“Vitin e parë ngjitësi ka pasur ngjyrë të kuqe, këtë vit ka ngjyrë të gjelbër dhe praktikisht sot bëhen 1 vit, kështu që nga nesër asnjë automjet nëpër rrugët e Kosovës nuk duhet të jetë pa ngjitës”, ka thënë Mazreku.

Por, sipas tij, efekti do të jetë më i madh nga nesër kur asnjë veturë nëpër rrugët e Kosovës më nuk duhet të jetë pa ngjitës.

Mazreku, ndër të tjera, ka thënë se përmes këtij projekti pritet edhe më shumë ulja e numrit të automjeteve të paregjistruara në vend.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika