Në datat 20–21 tetor 2025, Shoqata e Filozofëve të Kosovës, në bashkëpunim me Departamentin e Filozofisë, organizoi edicionin e tretë të Simpoziumit Ndërkombëtar Inter/Transdisciplinar “Filozofema”.
Ky edicion u fokusua mbi dy tema kryesore: “The Question Concerning AI” dhe “Image, Film and Philosophy”.
Dita e parë trajtoi inteligjencën artificiale si një mënyrë të re të zbulimit, duke u ndalur te aspektet ontologjike, etike dhe politike të teknologjisë. Panelistë ndërkombëtarë nga Austria, Kroacia, Libani, Maqedonia e Veriut, Holanda dhe Kosova diskutuan mbi dilemat etike të AI-së, fuqinë shpëtuese të teknologjisë, rezistencën ndaj pushtetit algoritmik dhe rëndësinë e studimeve humane në epokën e inteligjencës artificiale.
Dita e dytë u përqendrua te imazhi, filmi dhe filozofia, duke trajtuar marrëdhënien mes ontologjisë së imazhit, estetikës së horrorit, inteligjencës artificiale në kinematografi dhe interpretimit filozofik të kohës. Diskutimet u shoqëruan me shfaqjen e filmit “Abschied von Gestern” të Alexander Kluge-së, dhe një tryezë diskutimi mbi rëndësinë kulturore të tij në Kosovë.
Edicioni i III i simpoziumit shndërroi Prishtinën në një qendër reflektimi ndërkombëtar mbi marrëdhënien njeri–teknologji–imazh, duke lidhur filozofinë me artin, etikën, edukimin dhe estetikën bashkëkohore.
Sot nis edicioni i Ill-të i Simpoziumit “Filozofema” per Filozofi, Art dhe Teknologji