Më 18 korrik, Parlamenti Evropian (PE) do të votojë kandidaturën e presidentes aktuale të Komisionit Evropian, Ursula von der Leyen, për një mandat të dytë.
Kështu u vendos në mbledhjen e Konferencës së Presidentëve, e cila përbëhet nga kryetari i parlamentit dhe drejtues të grupeve politike në PE.
Siç raporton Politiko, votimi për të ardhmen e Von der Leyen si Presidente e Komisionit është caktuar për 18 korrik në orën 13:00 dhe rezultatet e votimit do të shpallen rreth orës 14:45.
Sipas agjendës së PE për seancën e javës së ardhshme në Strasburg, Von der Leyen do të flasë në orën 09:00 dhe më pas do të zhvillohet një debat që do të zgjasë deri në orën 11:00.