Më 30 mars, e enjte, në orën 18:00, në librarinë “Dukagjini” do të mbahet promovimi i librit “Pse s’ma ka thënë njeri më parë”, i autores dhe psikologes Julie Smith.
Për librin do të flasin, përkthyesi nga origjinali Eris Rusi, psikologu Florent Osmani, si dhe drejtoresha ekzekutive e “Hajde folim”, Liridona Osmanaj.
“Pse s’ma ka thënë njeri më parë“ është një libër i mbushur me këshilla praktike se si mund t’u bëjmë ballë ulje-ngritjeve në jetën tonë.
Autorja Smith, duke u përballur me situata të jetës së përditshme, na ofron zgjidhje që mund të ndryshojnë tërësisht mënyrën tonë të të menduarit.
Nëpërmjet librit, Smith bën thirrje për vetëkontroll dhe na mëson se si mund t’i kapërcejmë lehtësisht situatat që na e bëjnë jetën të vështirë.