Më shumë trupa civilë nga varri masiv i Izium, përfshirë 2 fëmijë

Kryebashkiaku i Izium, Valerii Marchenko kishte bërë të ditur se zhvarrosja e trupave do të vazhdojë edhe për dy javë të tjera. 146 trupa u zhvarrosën nga një vend varrimi masiv, ndër ta edhe dy fëmijë

Varreza masive në Izyum, Ukrainë, (Foto: Shefi i Zyrës së Presidentit të Ukrainës)





Më shumë trupa të civilëve duke përfshirë edhe dy fëmijë janë gjetur në qytetin Izium të Ukrainës lindore, thanë zyrtarët të hënën.

Në Izium, 146 trupa kryesisht civilë u zhvarrosën nga një vend varrimi masiv, sipas Oleh Synehubov, kreu i administratës civile-ushtarake të rajonit të Kharkiv, transmeton CNN.

“Disa nga të vdekurit kanë shenja të një vdekjeje të dhunshme, dhe ka trupa me duar të lidhura dhe gjurmë torture. Të vdekurit gjithashtu kanë plagë nga minat shpërthyese, predha dhe plagë me thikë”, tha Synehubov gjersa ka theksuar se të gjithë trupat janë dërguar për ekspertizë mjeko-ligjore ashtu që të bëhet përcaktimi i shkakut përfundimtar të vdekjes së tyre.

Të dielën, kryebashkiaku i Izium, Valerii Marchenko ka bërë të ditur se zhvarrosja e trupave do të vazhdojë edhe për dy javë të tjera.

Ministria e Mbrojtjes së Ukrainës tha se të paktën 440 varre “të pashënjuara” janë gjetur në qytet ditët e fundit. Para kësaj deklarate, të premten, Presidenti i Ukrainës, Volodymyr Zelensky ka thënë se disa prej trupave kishin treguar “shenja torture”, duke fajësuar Rusinë për atë që ai e quajti “mizori dhe terrorizëm”.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika