Enzo Maresca pritet të jetë pasardhësi i Pep Guardiola në stolin e Manchester City.
Sipas raportimeve të mediave angleze, Guardiola do të largohet nga skuadra në fund të këtij sezoni, me ndeshjen ndaj Aston Villa në stadiumin “Etihad” që pritet të jetë paraqitja e tij e fundit në krye të kampionëve anglezë.
Maresca, i cili më herët ka qenë pjesë e stafit teknik të Guardiolas te City, së fundmi drejtoi Chelsean, por u largua nga posti disa muaj më parë.
Raportohet gjithashtu se marrëveshja mes palëve tashmë është arritur dhe zyrtarizimi pritet të ndodhë menjëherë pas largimit të Guardiolas.
Trajneri spanjoll udhëheq Manchester Cityn që nga viti 2016 dhe, ndonëse kontrata e tij skadon verën e ardhshme, ai ka vendosur ta mbyllë më herët aventurën me kampionët në fuqi të Premier League.
Gjatë periudhës së tij te City, Guardiola ka ndërtuar një nga skuadrat më dominuese në futbollin anglez dhe evropian, duke fituar 20 trofe, mes tyre gjashtë tituj të Premier League dhe një trofe të Ligës së Kampionëve.