Gazetari Lirim Mehmetaj ka thënë se Aleanca për Ardhmërinë e Kosovës (AAK) ka qenë sponsori më i madh i kryeministrit aktual, Albin Kurti, gjatë kohës kur ai ishte në opozitë.
Mehemtaj kështu ka deklaruar në Debat Plus, teksa Daut Haradinaj po kritikonte Kurti për veprimet e tij në veri. Mehmetaj gjithashtu theksoi se Kurti ka përdorur fuqinë dhe guximin e AAK-së për t’u rritur në politikë.
“Sponsori gjeneral i këtij punëtori të Serbisë është AAK-aj, më saktësisht familja Haradinaj… AAK-ja ia ka jep muskujt Albin Kurtit. Kurti është një frikacak që nuk kish me guxu kurrë me bë çfarë ka bërë pa AAK-në. Policia kur ka dashtë me arrestu Abin Kurti edhe e kanë parë Ramushin Haradinajt, e kanë pas një mendim të dytë se qysh me operu…
Pa AAK-në, Albin Kurit nuk kish me guxu me bë çfarë ka bërë. Mas pari e ka përdoru fuqinë dhe guximin e AAK-së për me ardh në pushtet, ose të paktën më me u rritë përkohësisht e pastaj e ka bërë një perversitet. Kurti ia ka marrë elektoratin këtyre të LDK-së duke thënë se jam i mençur si Rugova dhe jam trim ndaj komandantëve, këtë trimëri ia ka mundësuar AAK-ja”, ka thënë Mehmetaj.