Ministri i Administratës Publike, në Mal të Zi, Marash Dukaj, është larguar nga mbledhja e Qeverisë, para votimit të marrëveshjes me Kishën ortodokse serbe.
Këtë veprim ministri e bëri, si formë simbolike të kundërshtimit të tij për marrëveshjen me kishën serbe.
Megjithëkëtë, Qeveri e Malit të Zi, pas katër orësh diskutime, e ka përkrahur kontratën themelore me Kishën ortodokse serbe, por jo me konsensus nga të gjithë të pranishmit,
Propozimin e kanë përkrahur trembëdhjetë ministra nga tetëmbëdhjetë sa ishin të pranishëm.
Qeveria miratoi Marrëveshjen e dakorduar më parë nga kryeministri Dritan Abazoviq me patriarkun Porfirije, përkundër kundërshtimit të një pjese të ministrave dhe shumicës parlamentare që e përkrah atë Qeveri.
Për shkak të problemeve me Kishën ortodokse serbe, me katër shtator të vitit 2021, u përball me situata të tensionuara, kur planifikohej ceremonia e marrjes së detyrës së mitropolitit të Kishës Ortodokse Serbe në Mal të Zi, Joanikije.
Kisha Ortodokse e Malit të Zi është nën Kishën Autoqefale të Serbisë. Ajo synon pavarësimin nga Kisha Ortodokse Serbe.
Në 30 vjetët e fundit, festat fetare në atë qytet, shënohen në praninë e forcave të shumta policore, pasi përkrahësit e Kishës Ortodokse Serbe dhe asaj malazeze jo-kanonike festojnë të ndarë.