Ministri i Bujqësisë, Faton Peci, ka marrë pjesë në Takimin Ministror 2022 me ç’rast, ai ka përmendur zhvillimin e këtij sektori të Kosovës.
Sipas Pecit, integrimi i Kosovës në sektorin evropian do i mundësonte “imunitetin” ndaj ndikimit të ekonomisë ruse.
“Duke marrë parasysh situatën gjeopolitike apo konkretisht invazionin rus në Ukrainë, uniteti i Bashkimit Evropian është sot më i domosdoshëm se asnjëherë”, ka thënë Peci.
“Ne jemi dhe do mbetemi gjithmonë aleat i vendeve që udhëhiqen nga parimet e larta, aleatë të vendeve që promovojnë dhe ruajnë paqen dhe stabilitetin e mbi të gjitha vlerësojnë dhe respektojnë diversitetin e popujve”, ka shtuar ai.
Boban Iliq, sekretari i përgjithshëm i SWG-së, ka thënë se Kosova dhe Bosnja e Hercegovina duhet të jenë sa më parë pjesë e programit e BE-së, IPARD.
Strategjia për Zhvillimin e Pylltarisë 2022 – 2030, si dhe zbatimi i Agjendës së Gjelbër në Kosovë, zunë vend në tryezën e bisedimeve.