Ministria e Drejtësisë, në krye me ministren Albulena Haxhiun, kanë listuar disa prej ngjarjeve kryesore të kësaj jave për këtë dikaster.
Por, në bazë të postimit të tyre, është “harruar” vendimi antikushtetues për Ligjin e këshillit Prokurial të Kosovës.
Një nga ngjarjet e listuara aty, është edhe takimi i ministers Haxhiu me shefin e njësisë për Kosovë të BE-së, Vassilis Maragos.
Ngjarje tjetër që u listua është takimi i Haxhiut me përfaqësuesit e programit për drejtësi “OPDAT” dhe Byrosë për Çështje Ndërkombëtare të Narkotikëve dhe të Zbatimit të Ligjit (INL) të Shteteve të Bashkuara të Amerikës.
Gjithashtu, edhe nënshkrimi i memorandum bashkëpunimit në mes ministres Haxhiu, ministrit të Punëve të Brendshme, Xhelal Sveçla dhe ambasadorit të Mbretërisë së Bashkuar, Nicholas Abbott, është listuar si ngjarje kryesore e javës nga MD-ja.
Ndërkaq, si ngjarje kryesore është edhe një deklaratë e Komisionit të Venecias, ku sipas MD-së “Komisioni i Venecias ka rikonfimuar se komentet me Ligjin për Byronë janë adresuar, dhe si i tillë do të ndikojë direkt në luftën kundër korrupsionit dhe parave të fituar në mënyrë të paligjshme”.