Ministrja e Ekonomisë, Artane Rizvanolli, ka vizituar sot liqenin e Ujmanit së bashku me zëvendësministrat Geotar Mjeku dhe Nenad Stanojević.
Ata janë mirëpritur nga kryeshefi Faruk Mujka dhe kanë diskutuar mbi performancën e ndërmarrjes, sigurinë e digës dhe mundësitë për investime në hidrocentral dhe përgjatë kanalit.
“Aty janë vendosur pajisjet për matjen e lëvizjeve seizmike dhe për sigurinë e digës, e po punohet edhe në vendosjen e sensorëve në mënyrë që nivelet e ujit të kontrollohen edhe nga dhoma e kontrollit në Shkabaj. Niveli i rrjedhjeve në trupin e digës dhe stabiliteti i digës aktualisht kontrollohen nga galeria e cila gjendet në 90 metra thellësi”, ka shkruar ministrja.
Ministrja ka thënë se përgjatë vizitës kanë takuar edhe patrollën e policisë te diga e vogël kompensuese.