Bidonë të tërë me ujë po i duhet të blejë Daut Mehmetajt për të mbuluar nevojat e familjes dhjetë antarëshe të tij.
Kyqjen e e ujit në shtëpi e ka nga Liqeni i Badovcit e tanimë që i njëjti nuk mund të përdoret për konsumim, e për këtë arsye Mehmetaj po iu drejtohet dyqaneve.
Siç përmend Mehmetaj, qytetarët po detyrohen të marrin ujë tek ajo që njihet si “Qeshmja e Matiqanit”.
Që nga java e kaluar, ky rubinet është bërë pikë furnizimi për banorët e kryeqytetit.
Megjithatë, pati edhe nga ata banorë që po furnizohen nga fshatrat.
Disa nga banorët e kryeqytetit i kanë thënë televizionit se disa dyqane edhe kanë ngritur çmimin e ujit tanimë që i njëjti, po kërkohet më shumë se zakonisht.
Nga Kompania Rajonale e Ujësjellësit “Prishtina”, kanë deklaruar se presin që gjatë kësaj jave, gjendja do t’i kthehet normalitetit.
“Gjendja është duke shkuar duke përmirësuar mirëpo ende nuk e ka arritur atë nivelin që duhet të jetë sipas standardeve dhe sa për njoftim sot Instituti Shëndetit Publik të Kosovës bashkë me KRU Prishtina do kenë një takim dhe nga aty do të dilet me rekomandime te reja të shohim se saktë se si qëndron situata a është gati në përmirësuar apo do të merr edhe pak kohë mirëpo ne po shpresojmë që gjatë kësaj jave gjendja do të i kthehet normalitetit”, ka thënë Arjeta Mjeku nga K.R.U.
Një takim në mes IKSHPK-së dhe K.R.U “Prishtina” është mbajtur gjatë ditës së sotme për të dalë më pas me rekomandime të tjera mbi gjendjen aktuale.
Gjatë kësaj së marte, Kompania Rajonale e Ujësjellësit “Prishtina” ka furnizuar me autobotë lagjet e kryeqytetit.