Rrugëtimi i këtyre ushtarakëve cdo ditë e tutje po ndryshon.
E situatat që janë paraqitur kohëve të fundit në Kosovë kanë ndikuar që udhëheqësit politik të vendit t;ia mësynë një rruge që ka aspiratë anëtarësimin e Kosovës në NATO.
Për këtë vitin e kaluar është formuar një grup ndërministror për anëtarësimin në Programin e Partneritetit për Paqe.
Mirëpo bartësi kryesor i këtij procesi që është Ministria e Jashtme e udhëhequr nga Donika Gërvalla as në këtë rast si në shumë të tjerë nuk kanë dhënë përgjigje se cka është punuar deri më tash dhe deri ku kanë shkuar punimet e këtij grupi.
Ndërkohë që pjesëmarrëse në këtë ekip janë edhe Ministria e Mbrojtjës.
Këta në një përgjigje me shkrim për Dukagjinin kanë treguar se është formuar grupi teknik profesional, i cili në bashkëpunim me zyren ndërlidhëse të NATO-s është duke punuar për standardizimin e doktrinave.
“Fakti që Republika e Kosovës është pjesë e Grupit të Kontaktit për Mbrojtjen e Ukrainës, dhe ushtria jonë është pjesë aktive e operacionit Interflex, tregon qartazi që FSK është e gatshme të ofroj kontributin e saj në këtë aleancë të shteteve, në ruajtjen e paqes dhe stabilitetit në rajon dhe më gjerë”, thuhet në njoftimin e ministrisë së Mbrojtjes.
Enver Dugolli që është edhe anëtarë I komisionit për siguri ka thënë se duhe të punohet shumë për anëtarësim në mënyrë që vendet katër vendet jonjohëse për Kosovën brenda NATO-s të mos jenë pengesë.
Kryeministri Kurti në nëntor të vitit të kaluar është takuar me Sekretarin e Përgjithshëm të NATO-s, Jens Stoltenberg, me ç’rast është diskutuar konkretisht dhe për rrugëtimin e Republikës së Kosovës drejt NATO-s.