Murtezaj: Institucionet duhet ta sqarojnë rastin Berishaj

Ish-zëvendësministri i Punëve të Jashtme, Valon Murtezaj ka kërkuar nga institucionet e Kosovës, që sa më parë të dalin me sqarime në lidhje me dyshimet e një skandali të mundshëm financiar të ambasadorit të Kosovës në Kroaci, Martin Berishaj

Ish-zëvendësministri i Punëve të Jashtme, Valon Murtezaj

Anëtari i Lidhjes Demokratike të Kosovës, Valon Murtezaj ka thënë se Qeveria e Kosovës, duhet të jetë e shpejtë dhe ta sqarojë rastin e ambasadorit të Kosovës në Kroaci Martin Berishaj.

Murtezaj i cili ishte i ftuar në emisionin “Five”, të Rtv Dukagjinit, theksoi se sqarimi i krejt situatës së krijuar nuk është i vështirë.

“Ajo çfarë mund të themi sepse këto janë rezultat të një klime populiste për një kohë të gjatë. Sjellja e qeverisë duhet të jetë e shpejtë. Shpejtësia e reagimit ka të bëjë me sqarimin e situatës. Duhet të vërtetohet dhe kjo nuk është gjë shumë e vështirë mjafton një komunikim i trekëndshit institucional, dhe po ashtu një komunikim me ambasadorin, gjërat kryesore mund të sqarohen pastaj detajet mund të lihen më vonë”, ka deklaruar Murtezaj.

Ambasadori i Kosovës në Zagreb, Martin Berishaj

Sipas tij, është e domosdoshme që institucionet të dalin me një sqarim edhe nëse nuk ka asgjë të jashtëligjshme që e lidhin ambasadorin Berishaj me ndonjë krim.

“Tash janë bërë disa ditë dhe ju takon udhëheqësve dhe ambasadorit të japin sqarimet e duhura, nëse situata është e qartë dhe gjërat janë në rregull atëherë prapë ju takon që të sqarohen”, ka thënë ai.

Murtezaj shtoi, se duhet të ketë një balanc mes ruajtjes së individit dhe imazhit të shtetit, sipas tij duhet të mbizotëroj interesi madhor.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika