Elon Musk, drejtuesi ekzekutiv i “Tesla” ka blerë 9.2% të aksioneve në “Twitter”. Rrjeti social “Twitter” tha se Musk bleu 73.4 milionë aksione të zakonshme në platformën e mediave sociale.
“Financial Times” ka vërejtur se kjo blerje e bën Musk aksionerin më të madh të kompanisë, gati katër herë më shumë se 2.25% e aksioneve të themeluesit Jack Dorsey.
Musk nuk ka bërë ende një deklaratë publike në lidhje me blerjen.
Më 25 mars, Elon Musk ka pyetur ndjekësit e tij nëse besojnë në “Twitter”. Rreth 72 milionë përdorues votuan “jo”, drejtuesi i “Tesla’ pretendoi se ky rrjet social nuk po i përmbahet parimit të fjalës së lirë.
Lajmi i publikuar ka çuar në një rritje 25% të çmimit të aksioneve të Twitter-it.
Vlera e aksioneve të Musk në Twitter vlen 2.89 miliardë dollarë.