Musliu – Shoshi: Letra e Gërvallës për keqardhje, më shumë si mashtrim ndaj vendeve anëtare në KiE

Lidhur me letrën e djeshme të kryediplomates kosovare, Donika Gërvalla, dërguar Këshillit të Evropës, deputetja nga radhët e PDK-së, Ariana Musliu – Shoshi, ka thënë se letra është për keqardhje derisa thekson se është më shumë si mashtrim ndaj vendeve anëtare në KiE

Ministrja e Punëve të Jashtme dhe Diasporës, Donika Gërvalla dhe deputetja e PDK-së, Ariana Musliu-Shoshi

Deputetja e Partisë Demokratike të Kosovës (PDK), Ariana Musliu-Shoshi, ka thënë se letra e ministres së Punëve të Jashtme dhe Diasporës, Donika Gërvalla, ku zotohet se do ta dërgoj një draftstatut të Asociacionit të punuar nga vetë Qeveria në Gjykatën Kushtetuese, është dërguar në adresë të gabuar dhe se është për keqardhje.

Letrën, Musliu – Shoshi e ka cilësuar gjithashtu të vonuar. Sipas saj, autoritetet kosovare kanë ndërtuar një perceptim të gabuar te ndërkombëtarët që njëherë refuzojnë e pastaj e pranojnë.

“Fillimisht, dhe më e rëndësishmja, është që adresimi është bërë gabim. Pse është gabim, sepse Asambleja Parlamentare ka dhënë qëndrimin e vet dhe atë me votë. Pra, votimi në Asamble është komplet punë e deputetëve me deputetë. Adresimi nga ministrja është gabim dhe është për keqardhje. E para dhe e dyta është jashtëzakonisht vonë edhe nëse do të ishte dërguar draftstatuti i Asociacionit që veçse është pajtuar qeveria e Albin Kurtit në marrëveshjen e Ohrit. Pra, nëse ti e dërgon një draftstatut që është i ndryshëm nga ai që është dakorduar në marrëveshjen e Ohrit, rrjedhimisht nuk është i pranueshëm”, ka thënë Musliu – Shoshi për EO.

“Sepse aleatët tanë kërkojnë atë çfarë Albini është zotuar dhe ka pranuar në marrëveshjen ndërkombëtare në këtë rast në marrëveshjen e Ohrit. Është hap i cili nuk merret në vëmendje as në konsiderata të aleatëve tanë, sepse ata konsiderojnë që Kosova të jetë shtet serioz ashtu siç është bërë mund i jashtëzakonshëm për aq shumë vite dhe ka arritur që të ketë perceptimin serioz. Mirëpo me veprime të çuditshme që merr kjo Qeveri një herë thotë jo, herën tjetër thotë po. Një ditë dakordohet, ditën tjetër nuk darkordohet. Një ditë kërkon nënshkrim, ditën tjetër nuk kërkon nënshkrim. Kjo lenë me kuptuar që e kanë ndërtuar perceptimin e shtetit joserioz dhe kjo është shumë problem që ti si shtet kërkon që të jesh i anëtarësuar në KiE”, ka thënë tutje ajo.

Musliu – Shoshi ka shtuar se me këtë veprim qeveria ka dashur që t’i mashtrojë vendet anëtare të KiE-së, por që sipas saj, këto propaganda dhe mashtrime mund të ecin përbrenda vendit, por jo me aleatët.

“Unë këtë e vlerësoj më shumë si mashtrim ndaj vendeve anëtare në KiE. Pse, sepse me këtë gjest duan që të lënë perceptimin përbrenda që ne morëm një hap përpara, mirëpo aleatët tanë nuk po e marrin parasysh dhe nuk po e vlerësojnë veprim që Kosova e merr drejt anëtarësimit të plotë në KiE. Këto propaganda dhe këto mashtrime mund të ecin përbrenda, mirëpo jo me aleatët tanë, sepse është jashtëzakonisht jokorrektësi ndaj partneritetit që e kemi”, ka shtuar ndër të tjerash deputetja nga radhët e PDK-së, Ariana Musliu – Shoshi.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika