Kryetar i Këshillit Kombëtar Shqiptar, Ragmi Mustafi, ka treguar detaje pse është dënuar nga shteti i Serbisë lidhur me ngritjen e Flamurit kombëtarë në Bujanocë, ku rrëfyer se kjo nuk është hera e parë që është duke u dënuar për një ngritjen e flamurit.
“Procesi i katër rrezikon që të kalojë në vepër penale nga kjo kundërvajtje për shkak të recidivizmit të vetëdijshme, ashtu siç e kam deklaruar në gjykatë unë në mënyrë të vetëdijshme e bëjë këtë akte sepse e ndje përgjegjësin për votën dhe mbështetjen e shqiptarëve që ma kanë dhënë edhe ndej përgjegjësin historike të shqiptarëve për më shumë liri e barazi”, ka deklaruar Mustafi.
Tutje ai ka theksuar se Flamuri i kombëtar është sinonimi i përpjekjeve edhe sakrificave e vuajtjeve të shqiptarëve ndër vite.
Nexhemdin Sapahiu e ka pyetur Mustafin se a e ka ngritur ndonjë herë flamurin e Kosovës për 17 Shkurt?
Mustafi është kundërpërgjigjur duke thënë “jo kjo është vërtetë se nuk e kemi ngritur flamurin e Kosovës”.
“Më 17 Shkurt e festojmë si ditë kombëtare të shqiptarëve të cilën e ka përcaktuar Këshilli Kombëtar Shqiptar në Serbi , këtë nuk e kam bërë unë kjo ka ndodhur më herët”, ka shtuar ai.
Më tej, Mustafi ka thënë se ngritja e flamurit në Bujanocë ka qenë për festë edhe nuk ka qenë për qëllime nxitjes së urrejtjes.