Ministria e Industrisë, Ndërmarrësisë dhe Tregtisë (MINT), të martën i ka publikuar çmimet maksimale apo “tavan” të naftës dhe derivateve të tjera, të cilat vlejnë për ditën e martë të 20 shtatorit.
Krahasuar me të dielën dhe të hënën, që çmimi i naftës ka qenë 1.62 euro për litër, në të martën e 20 shtatorit ka rënë në 1.60 euro për litër.
Ndërsa, çmimi i benzinës mbetet i njëjtë, 1.35 euro për litër.
Po ashtu, edhe çmimi i gazit rezulton të jetë i njëjtë, 0.75 centë për litër.
Ndryshe, që nga 31 gushti, Ministria e Industrisë, Ndërmarrësisë dhe Tregtisë e Kosovës (MINT) ka vendosur masa mbrojtëse për produktet e derivateve të naftës.
MINT pritet t’i publikojë çdo ditë çmimet tavan apo maksimale të lejuara për shitjen e derivateve.
Ky vendim është marrë si masë lehtësuese, pas rritjes së çmimeve të derivateve, dhe dyshimeve për keqpërdorime nga kompanitë që shesin derivate.
