Ministria e Industrisë, Ndërmarrësisë dhe Tregtisë (MINT), i ka caktuar çmimet tavan për shitjen e derivateve, për të mërkurën e 2 nëntorit.
Krahasuar me të martën e 1 nëntorit, të mërkurën nafta dhe gazi janë liruar për një cent, ndërsa benzina është shtrenjtuar për një cent.
Çmimi maksimal i lejuar i naftës është 1.72 euro për litër, çmimi maksimal për produktin benzinë është 1.43 euro për litër, ndërsa çmimi maksimal për gaz është 0.71 centë për litër.
MINT pritet t’i publikojë çdo ditë çmimet tavan apo maksimale të lejuara për shitjen e derivateve.
Ky vendim është marrë si masë lehtësuese, pas rritjes së çmimeve të derivateve dhe dyshimeve për keqpërdorime nga kompanitë që i shesin ato.
Këto çmime vlejnë nga ora 10:00 e së mërkurës dhe janë valide për 24 orë.
