Ministrja e Arsimit Arbërie Nagavci ka deklaruar se koeficienti i pagave është barazi edhe nëpërmjet këtij koeficienti ka pagë bazë te dinjitetshme për mësimdhënësit.
Sipas ministres së Arsimit, “ligji për paga promovon punën e mësimdhënësve”.
“Barazi dhe ndershmëri për pagat në mes të kategorive. Pagë bazë të dinjitetshme për mësimdhënësit tanë”, ka shkruar në Facebook Nagavci.
“Rritja prej 22% e më shumë nga paga aktuale, dëshmon për përkushtimin tonë ndaj mësimdhënësve dhe përmirësimin e cilësisë në arsim”.
“Paga bazë është vetëm fillimi. Ligji promovon shtesat për mësimdhënës në bazë të performancës/licencimit. Ky është synimi jonë, nxitje të vazhdueshme monetare dhe jo monetare për performancë më të mirë të mësimdhënësve tanë. Rritja në paga duhet të jetë shpërblyese për mësimdhënësit e mirë dhe nxitje për mësimdhënie cilësore. Llogaridhënia do të jetë mekanizmi ynë që do të na garantojë se kjo pagë kthehet në përfitim për nxënësit tanë,” ka shtuar ajo.
Ajo ka përfunduar duke thënë se ligji për paga është fitore për të gjithë.