Ministrja e Arsimit, Arbërie Nagavci, duke e komentuar raportin e Auidimit për “Vlerësimin e nxënësve në testet kombëtare dhe ndërkombëtare”, ka thënë se rezultatet në arsim nuk janë akoma të kënaqshme.
Po për këtë raport, ministrja Nagavci, ka thënë se performanca financiare ka qenë dukshëm më e mirë se në vitet paraprake. “Për vetëm një vit punë, kemi arritur t’i zbatojmë në tërësi 15 rekomandime të vitit paraprak”, ka thënë Nagavci.
Sipas saj, në krahasim me vitin e kaluar është përgjysmuar numri i rekomandimeve ku nga 22 rekomandime që ishin në vitin 2020, janë 11 rekomandime për vitin 2021.
Tutje e para e arsimit, ka thënë se një pjesë e madhe e rekomandimeve të Auditorit janë cështje që nuk varen nga Ministria e Arsimit.
“Në çështjet e adresuara në raportin e vitit 2021, pjesa dërmuese e rekomandimeve të adresuara, janë çështje që nuk varen direkt nga MASHTI por edhe nga institucionet e linjës e disa nga to janë edhe për shkak të problemeve të identifikuara”, ka thënë ajo.
Nagavci theksoi se ministria që ajo e drejton e ka rritur buxhetin dhe se janë duke e përmirësuar infrastrukturën ligjore e fizike.