Gjatë ditës së shtunë të 18 qershorit është bërë e ditur se rreth 22 mijë maturantë do t’i nënshtrohen provimit të maturës shtetërore. Provimi i maturës ka filluar në orën 10:00 dhe do të përfundojë në orën 12:30.
Ministrja e arsimit, Arbërie Nagavci, përmes një postimi, iu ka uruar maturantëve suksese.
Ajo është shprehur se të gjithë nxënësit kanë përfunduar me sukses vitet e shkollimit, si dhe e kanë kaluar sfidën që ka sjellë pandemia.
“Keni përfunduar me sukses vitet e shkollimit, jeni përballur me sfidat që na solli pandemia dhe uroj të finalizoni me rezultatet më të larta provimin e maturës,” ka shkruar Nagavci.
Nagavci gjithashtu ka shprehur mbështetjen e pakursyer ndaj nxënësve.
“Ju siguroj se nga ana jonë do të keni gjithmonë mbështetje të pakursyer, por sot suksesi varet vetëm nga ju. Andaj, me qetësi e besim jepeni më të mirën nga vetja,” ka shkruar tutje ministrja në postimin e saj.
Rreth 22 mijë maturantë do t’i nënshtrohen provimit të maturës