Në 100-vjetorin e lindjes së Rexho Mulliqit, Filarmonia e Kosovës vjen me një koncert të veçantë

Filarmonia e Kosovës do të shënojë 100-vjetorin e lindjes së kompozitorit Rexho Mulliqi (1923-1982)

Filarmonia e Kosovës ka njoftuar përmes një postimi në rrjetin social Facebook se do të shënojë 100-vjetorin e lindjes së kompozitorit Rexho Mulliqi (1923-1982).

Për të shënuar këtë përvjetor, Filarmonia e Kosovës të premten, duke filluar nga ora 20:00, do të mbajë një koncert në Atelienë e Pallatit të Rinisë në Prishtinë.

Filarmonia e Kosovës ka njoftuar se e ka shpallur vitin 2023, si vitin e Rexho Mulliqit dhe përgjatë gjithë sezonit do të rikthejë në programin e saj vepra nga krijimtaria e kompozitorit.

Filarmonia bën të ditur se gjatë këtij koncerti do të interpretohen vepra të njohura të kompozitorëve botërorë e prezantim të pianistëve të rinj.

Ndërsa, në rolin e solistit rikthehet koncert-mjeshtri i Filarmonisë së Kosovës Visar Kuçi, i cili do të luajë “Koncert për violinë nr. 1” nga Prokofievi.

Rexho Mulliqi është kompozitori i këngës së njohur “Baresha” e i shumë veprave të tjera muzikore që e rendisin atë ndër emrat e njohur të muzikës shqiptare.

Shija e redaktorit

Radio Dukagjini i’a qet “Pikën”

Radio Dukagjini po vjen me skemë të re programore. “Pikë”, është një ndër emisionet më të reja që do të filloj në kuadër të kësaj...

Më 30 mars në librarinë “Dukagjini” mbahet promovimi i librit...

Më 30 mars, e enjte, në orën 18:00, në librarinë “Dukagjini” do të mbahet promovimi i librit “Pse s'ma ka thënë njeri më parë”, i...

Kosova dhe Izraeli ndajnë pikët; “Dardanët” nisin mbarë kualifikimet për...

Kosova pati një paraqitje solide në ndeshjen e parë të Grupit I në kualifikimet për “Euro 2024”. Në një ndeshje me emocione, Kosova arriti të...

Të fundit nga rubrika