Në raportin 24 orësh të Policisë së Kosovës janë katër raste të ndara ku punëtorët janë lënduar në vendet e tyre të punës.
Dy raste kanë ndodhur në komunën e Ferizajt, ku dy persona një e gjinisë femërore dhe tjetri i gjinisë mashkullore kanë kërkuar ndihmë në emergjencën e qytetit. Këto dy raste janë duke u hetuar nga Policia e Kosovës.
Një tjetër lëndim në vendin e punës ka ndodhur në fshatin Krushev të komunës së Dragashit, ku një person ka kërkuar ndihmë mjekësore si pasojë e lëndimit. Edhe ky rast është duke u hetuar nga Policia e Kosovës.
Kurse në fshatin Piran të komunës së Prizrenit, është raportuar se një person është lënduar aksidentalisht në vendin e tij të punës. Viktima është dërguar për trajtim të mëtutjeshëm mjekësor.