Kur përgatitjet kanë nisur për Samitin e Procesit të Berlinit, që pritet të mbahet në Tiranë me 16 tetor të këtij viti, në takimin informal të 17 korriku pjesëmarrjen e kanë konfirmuar komisioneri BE-së, Oliver Varheli, kryeministri i Malit të Zi, i Maqedonisë se Veriut, ajo e Serbisë, ndërsa sipas burimeve të RTSH-së, i pranishëm do të jetë edhe zv. kryeministri i Kosovës, Besnik Bislimi.
Siç shkruan RTSH, takimin me krerët e rajonit dhe komisionerin për Zgjerim në Bashkimin Evropian, Oliver Varhely, kryeministri Edi Rama e lajmëroi në kuadër të turit ballkanik që zhvilloi në vendet e rajonit lidhur me Procesin e Berlinit.
Iniciativa synon rritjen e bashkëpunimit rajonal në Ballkanin Perëndimor. Kjo është një nismë e vitit 2015 për të mbështetur integrimin në Bashkimin Europian të vendeve të Ballkanit Perëndimor: Bosnje Hercegovina, Mali i zi, Kosova, Maqedonia e Veriut, Serbia dhe Shqipëria.
E prezantuar me 28 gusht nga kancelarja Anglea Merkel, Procesi i Berlinit po zhvillohet me mbështetjen e Komisionit Evropian, institucioneve financiare ndërkombëtare dhe shteteve anëtare, bazuar në miratimin e akuis komunitar, apo tërësia e të drejtave dhe e detyrimeve të përbashkëta që i bashkon të gjitha shtetet anëtare të Bashkimit Evropian.
Ndryshe, kryeministri i Kosovës, Albin Kurti po merr pjesë në edicionin e 25-të të Simpoziumit Ndërkombëtar SYMI, që mbahet në Greqi e ku po marrin pjesë politikanë progresistë e akademikë të shquar.
Në njoftimin e zyrës së kryeministrit thuhet se simpoziumi Ndërkombëtar SYMI është themeluar nga ish-Kryeministri i Greqisë, George Papandreou dhe organizohet çdo vit.