Kryeministri i Izraelit, Benjamin Netanyahu, ka përgëzuar presidentin amerikan Donald Trump për operacionin e shpëtimit të një piloti amerikan, duke e cilësuar atë si një sukses të jashtëzakonshëm.
Netanyahu vlerësoi guximin e forcave amerikane dhe theksoi se operacione të tilla dëshmojnë fuqinë e shoqërive të lira për të përballuar kërcënimet, njofton Dukagjini.
“Të gjithë izraelitët gëzohen për këtë operacion të jashtëzakonshëm. Ai dëshmon se kur shoqëritë e lira veprojnë me guxim dhe vendosmëri, mund të mposhtin forcat e errësirës dhe terrorit,” ka shkruar Netanyahu në X.
Netanyahu shtoi se ky operacion përforcon një parim të rëndësishëm se ‘askush nuk lihet pas’.
Ai gjithashtu solli në vëmendje përvojën e tij personale, duke kujtuar se ka qenë i plagosur në një mision të tillë dhe se ka humbur vëllain gjatë operacionit të njohur të Entebbes.
Në fund, Netanyahu e cilësoi Trumpin si një lider që edhe një herë solli “një fitore të madhe për Amerikën”, duke e përshëndetur për vendimin dhe udhëheqjen e tij.
I congratulate @realDonaldTrump on the rescue of a brave American pilot by America’s courageous warriors.
All Israelis rejoice in this remarkable operation. It proves that when free societies act with courage and determination, they can overcome the forces of darkness and… pic.twitter.com/hgBLFWjYzE
— Benjamin Netanyahu – בנימין נתניהו (@netanyahu) April 5, 2026