Ministria e Punëve të Brendshme ka bërë të ditur se në kuadër të zbatimit të Ligjit për të Huaj dhe Ligjit për Automjete, nga dita e djeshme ka nisur fushata informuese për qytetarët në të gjitha pikat kufitare të Republikës së Kosovës, si dhe në Aeroportin Ndërkombëtar të Prishtinës “Adem Jashari”.
Siç bëhet e ditur në njoftimin e MPB-së, kjo fushatë ka për qëllim vetëdijesimin e qytetarëve lidhur me procedurat ligjore që duhet të respektohen gjatë hyrjes dhe qëndrimit në Republikën e Kosovës, si dhe me rregullat që ndërlidhen me drejtimin e automjeteve në territorin e vendit, njofton Dukagjini.
Po ashtu bëhet e ditur se kjo fushatë do të zgjasë deri më 15 mars 2026.
Nis faza informuese për zbatimin e Ligjit për të huajt dhe atij për automjete