Kontejnerët e mbeturinave ishin të stërmbushura në rrugët e Prishtinës, për shkak të mosmbledhjes së tyre. Kjo, sepse sipas kompanisë “Pastrimi”, nuk kishin hapësirë se ku t’i zbrasin kamionët për shkak të mbylljes së Deponisë së Grumbullimit të Mbeturinave në Mirash.
Por, me anë të një postimi në Facebook, kompania “Pastrimi”, ka njoftuar se tashmë është bërë hapja dhe ka filluar zbrazja e tyre.
“Ekipet tona punuese me staf shtesë të punëtorëve kanë dalë menjëherë në terren, ku kemi flluar grumbullimin e mbeturinave në qytetin e Prishtinës, mirëpo për shkak të sasisë së madhe të mbeturinave kërkojmë mirëkuptim të qytetarëve nëse nuk do të mund të kryejmë terrenin sipas orarit të zakonshëm”, thuhet në njoftim.
Ndërkohë, lidhur me këtë kaos ka reaguar nënkryetari i Prishtinës, Alban Zogaj, i cili ka kërkuar ndjesë për stërmbushjen e kryeqytetit me mbeturina.
Sipas tij, janë duke e zhbllokuar këtë situatë, në mënyrë që të vazhdojnë me grumbullim të mbeturinave.
“Kërkojmë falje për këtë gjendje! Kompania për menaxhimin e deponive nuk po e lejon Kompaninë ‘Pastrimi’ të bëjë zbrazjen e mbeturinave, për shkak të borxhit që kjo e fundit i ka të parës! Jemi duke e zhbllokuar këtë situatë, në mënyrë që të vazhdojmë me grumbullim të mbeturinave”, ka shkruar ai në Twitter.
Kërkojmë falje për këtë gjendje! Kompania për menaxhimin e deponive nuk po e lejon Kompaninë 'Pastrimi' të bëj zbrazjen e mbeturinave, për shkak të borxhit që kjo e fundit i ka të parës! Jemi duke e zhbllokuar këtë situatë, në mënyrë që të vazhdojmë me grumbullim të mbeturinave. pic.twitter.com/ctWQX8qQB7
— Alban Zogaj (@albanzogaj) May 24, 2022
Teksa ka njoftuar se tashmë ka nisur pastrimi i qytetit, Zogaj ka kërkuar mirëkuptim nga qytetarët.
“Kjo gjendje është e papranueshme, dhe shumë shpejt do të vijmë me zgjidhje afatgjate për këtë problem”, ka shkruar Zogaj.
Kemi filluar me pastrim të qytetit! Ju lusim për mirëkuptim! pic.twitter.com/AyL9MWXADk
— Alban Zogaj (@albanzogaj) May 24, 2022