Deputetët e Partisë Demokratike të Kosovës (PDK) dhe ata të Aleancës për Ardhmërinë e Kosovës (AAK) nuk kanë marrë pjesë në votimin e pikave të mbetura nga seancat e kaluara.
Megjithatë, ndonëse pa pjesëmarrjen e tyre në votim, Projektligji për ndryshimin dhe plotësimin e Ligjit për trajtimin e ndërtimeve pa leje ka kaluar në lexim të dytë.
Në të votuan deputetët e Lidhjes Demokratike të Kosovës.
Ndryshe, janë miratuar rekomandimet lidhur me raportin e auditimit të performancës, menaxhimi i projektit “Bashkimi i qytetit të Ferizajt”. As këtu nuk kanë marrë pjesë PDK e AAK.
Gjatë seancës, PDK është larguar nga salla e Kuvendit.
Seanca e Kuvendit nisi me vonesë.
Ndryshe, nga ora 14:00 do të mbahet një seancë e jashtëzakonshme.