Policia e Kosovës ka bërë të ditur se një person ka raportuar se gjersa ishte duke hyrë në banesën e tij dy të dyshuar të maskuar nën kërcënim të armës e kanë futur në veturën e tij dhe ia kanë marrë paratë, dy kartela bankare dhe kanë kërkuar nga ai që ta mbyllë biznesin.
Policia e Kosovës tregoi se viktima pretendon se rasti ka ndodhur në orët e vonshme të 1 gushtit.
Policia po e heton rastin.
“Prishtinë / 01.08.2024 – 23:20. Viktima mashkull kosovar ka raportuar se gjersa kishte qenë duke hyrë në banesën e tij dy të dyshuar të maskuar duke e kërcënuar me armë e kanë futur në veturën e tij dhe ja kanë marrë: paratë, dy kartela bankare dhe kanë kërkuar nga viktima që ai ta mbyll biznesin e tij. Të dyshuarit kishin dalur nga vetura dhe larguar nga ai vend. Rasti është duke u hetuar”, thuhet në raportin e Policisë.