Një muaj paraburgim gruas që vrau kunatin në Prishtinë

Gjykata Themelore në Prishtinë ka vendosur masën e paraburgimit për një grua, që dyshohet se vrau kunatin e saj të martën në mbrëmje.

Gruaja është e dyshuar për veprat penale të “vrasjes së rëndë” dhe “mbajtjes në pronësi, kontroll ose posedim të paautorizuar të armëve”. Pas kryerjes së krimit, ajo është vetëdorëzuar në polici.

• E dyshuara që vrau kunatin është vetëdorëzuar: Policia jep detaje për vrasjen në Prishtinë

Ngjarja ka ndodhur në lagjen Vranjevc në Prishtinë, ku policia ka sekuestruar një pistoletë, e cila dyshohet se është përdorur për vrasjen. Në vendin e ngjarjes janë gjetur 10 gëzhoja dhe katër predha, ndërsa janë sekuestruar edhe një karikator me tre fishekë dhe 27 fishekë të tjerë gjatë kontrollit.

• Vrasja në Prishtinë, policia tregon se çfarë gjeti në vendin e ngjarjes