Darka tradicionale që njihet si “Darka e Lamës” kësaj radhe është shtruar në kampin e Policisë së Kosovës në Mitrovicë “Enver Zymeri”.
Por, jo të gjithë pjesëtarët e Policisë së Kosovës i janë bashkuar kësaj darke.
Një pjesë e Njësisë Speciale Intervenuese (NJSI) nuk kanë marrë pjesë në këtë organizim.
Sipas burimeve të Dukagjinit kjo ka ndodhur pasi nuk janë plotësuar kërkesat e tyre, sidomos ajo për pagesën e rrezikshmërisë.
Por një gjë e tillë është mohuar nga Zyra e Presidentes së Kosovës.
Në një përgjigje për Dukagjinin ata kanë thënë se “Presidentja ka darkuar me gjysmën e tyre, kurse pjesës tjetës, e cila ka qenë në ndërrim, u është dërgu ushqimi në vendin e punës”.
Tutje në përgjigje thuhet se ata “Kanë qenë. Aktiviteti i është dediku policëve të rënë në detyrë. Prezentë kanë qenë familjet e të gjithë policëve të rënë në detyrë dhe qindra policë nga disa njësite”.
NJSI është njësia qe korri sukses të jashtëzakonshëm në aksionin e tyre në Banjskë të Zveçanit.