Një vit nga vërshimet në Skenderaj/ “Deri kur kështu…! Edhe sa duhet të presim?”

Qytetarët e Skenderajt ankohen se nuk janë kompensuar mjaftueshëm për dëmet e shkaktuara nga vërshimet një vit më parë

Më 19 janar 2023 Skenderaj ishte kapluar nga vërshimet të cilat shkaktuan dëme të shumta materiale.

Këto vërshime konsiderohen si më të mëdhatë që ka njohur zona e Drenicës ndonjëherë të cilat kanë goditur qytetin e Skenderajt.

Por, a u kompensuan qytetarët nga niveli qendror për dëmet e shkaktuara si në shtëpi po ashtu edhe në bujqësi?

Një qytetar nga Skenderaj thotë se ata nuk u kompensuan për dëmet e shkaktuara të cilat kapin shifrën totale prej mbi 20 milion euro.

Përmes një postimi në Facebook, Liridon Geci ka thënë se si rezultat i vërshimeve që kanë shkaktuar dëme të mëdha materiale, biznesi i tyre ka falimentuar.

“Dëmet e shkaktuara në fermën tonë janë shumë të mëdha të cilat kanë rezultuar me shumë se 12,000 pula të ngordhura dhe me dëmtimin e pjesës së inventarit në tërësi dhe paisjeve të punës që përfshijnë vlerën mbi 400,000.00 Euro”.

Ai më tej ka thënë se “Industria automatike e shpezëtarisë ka kosto të lartë, janë 185 pajisje motorrike të prishura nga uji i vërshimeve”, ka shkruar ai.

Geci ka thënë se të gjitha komisionet e ngarkuara nga niveli lokal dhe ai qendrorë kanë bërë vlerësimin e dëmeve dhe kanë “konfirmuar shumën e lartcekur të dëmeve e të cilat duhet të kompensohen sepse për biznesin janë të papërballueshme”.

“Së fundmi qeveria ka lëshuar vendim për subvencionim 20,000 euro maksimum, po 380,000 euro ku mbetën?”, ka pyetur Geci duke shtuar se tani kemi mbetur nën mëshiren e fatit, sepse nuk kemi kompensim solid nga asnjë palë”.

Tutje ai ka thënë se shprehin zhgënjim të thellë me institucionet lokale dhe qendrore sepse sipas tij ato “kanë harruar komplet pjesën e dëmeve në momentin e parë nga largimi nga ferma jonë”, ka thënë ai ndër të tjera.

Vërshimet në Skenderaj, ngordhin mbi 10 mijë pula në një fermë

Nga ana tjetër, kryetari i Skenderajt, Fadil Nura në Debat Plus në RTV Dukagjini ka akuzuar qeverinë Kurti, duke thënë se nuk janë marrë aspak me vërshimet në Skenderaj.

Shija e redaktorit

Përparësitë e Kosovës si shtet i asocuar në Asamblenë Parlamentare...

Një hap afër anëtarësimit në NATO, kështu së paku po konsiderohet nga politikanët të jetë afruar Kosova, tash që e morri statusin si vend...

Osmani në takim me kryesuesit e KGJK-së dhe KPK-së: Urgjent...

Presidentja Vjosa Osmani priti në takim kryesuesin e Këshillit Gjyqësor të Kosovës dhe kryesuesin e Këshillit Prokurorial të Kosovës. Ajo ka pritur në takime...

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

Të fundit nga rubrika