Regjimi pushtues serb i mbylli dhe i ndaloi institucionet arismore në Kosovë gjatë viteve të 90-ta. Pas mbylljes së institucioneve arsimore shumë shtëpi u shëndrruan në shkolla dhe mësimi vazhdoi në formë të tillë deri pas mbarimit të luftës n% Kosovë.
Të shtunën e 11 qershorit, Komuna e Prishtinës ne rastin e shënimit të 30-vjetorit të organizimit të mësimit në shtëpi-shkolla, përkujtoi një ndër sfidat më të mëdha që Kosova ka kaluar gjatë kohës së regjimit serb.
Kryetari i Prishtinës, Përparim Rama ka falëndëruar të gjitha familjet që dhanë kontributin e tyre duke qenë në dijeni për rreziqet që vinin nga regjimi serb.
“Ndodhemi sot këtu për të shënuar këtë 30-vjetorin kur të kushtëzuar nga represioni i shtetit jugosllav filluan të operonin ato që ne i quajtëm shtëpi- shkolla që njerëz atdhedashës i vunë në shërbim të shkollimit të brezave në kohë pushtimit dhe në shërbim të mirës gjithë popullore”, ka thënë kryetari i Komunës së Prishtinës.
“Shtëpitë-shkolla luajtën rol jashtëzakonisht të madh, jo vetëm për të mbajtur gjallë arsimin shqip, të cilin regjimi pushtues i kohës mbylli dhe i ndaloi, por edhe për ta përforcuar rezistencën kundër okupimit. Kështu këto shtëpi-shkolla shërbyen në të njëjtën kohë si vatra të dijes dhe si dritare të shpresës për lirinë dhe pavarësimin e vendit tonë”, ka shtuar Rama.
Ish-kryetar i Lidhjes së Arsimtarëve Shqiptarë, Rexhep Osmani lexoi deklaratën e kësaj Lidhjeje më 19 janar 1992.
“Këto ditë mbushen 30 vjet kur Kosova filloi zbatimin e dokumentacionit publik të nxënësve të dëftesave, të diplomave me logon Republika e Kosovës. Lidhja e Arsimtarëve ishte forca kryesore që përcaktoi dhe u përpoq për zhvillimin e arsimit në Kosovë”, ka thënë Rexhep Osmani.
Kryetari i Prishtinës, Përparim Rama, gjatë të shtunës së 11 qershorit ka ndarë mirënjohje për familjet, të cilat dhanë lejE që shtëpitë e tyre të kthehen në shkolla.