Osmani: Kosova përbën histori suksesi në zhvillimin e sektorit të teknologjisë informative dhe të komunikimit

Presidentja e Kosovës, Vjosa Osmani mori pjesë në hapjen zyrtare të punimeve të Samitit të krerëve të shteteve anëtare të Organizatës së Frankofonisë. Gjatë kësaj hapje presidentja Osmani ka takuar krerë të shteteve e të delegacioneve të vendeve të ndryshme

Pamje nga Samiti i Frankofonisë





Presidentja e Kosovës, Vjosa Osmani, ka marrë pjesë në hapjen zyrtare të punimeve të Samitit të krerëve të shteteve anëtare të Organizatës së Frankofonisë dhe ka takuar krerë të shteteve e të delegacioneve të vendeve të ndryshme që ishin prezent në këtë samit.

“Në hapje të samitit u diskutua mbi vlerat e përbashkëta të cilat i kultivon Organizata e Frankofonisë, përfshirë diversitetin kulturor, etnik e gjuhësor, si dhe parimet bazë të saj, sikur janë zhvillimi i qëndrueshëm ekonomik, politik e social”, thuhet në komunikatën për media.

Në këtë samit, Osmani është mirëpritur nga presidenti i Tunizisë Kais Saied dhe kryeministrja e Tunizisë, Najla Bouden dhe nga sekretarja e Përgjithshme e Frankofonisë, Louise Mushikiwabo. 

“Ndërkaq në margjina të samitit, presidentja kishte diskutime me Justin Trudeau, kryeministër i Kanadasë, Emmanuel Macron, president i Francës, Charles Michel, president i Këshillit Evropian, Alexander De Croo, kryeministër i Belgjikës, Macky Sall, president i Senegalit, Paul Kagame, president i Ruandës, Mohamed Ould Ghazouani, president i Mauritanisë, Nikol Pashinyan, kryeministër i Armenisë, presidentin e Sllovenisë, Borut Pahor, me zëvendëskryeministrin dhe ministrin e Shtetit të Katarit, Hamad Bin Abdulaziz Al Kawari, me Ioannis Kasoulides, ministër i Jashtëm i Qipros, me Sylvie Baïpo Temon, ministre e Punëve të Jashtme të Republikës së Afrikës Qendrore, me Moussa Faki, kryetar i Komisionit të Unionit Afrikan, si dhe me liderë të tjerë pjesëmarrës”, thuhet tutje në njoftimit për media.

Tutje thuhet se presidentja Osmani ka mbajtur një fjalim në sesionin e parë plenar të Samitit të Frankofonisë i cili iu kushtua zhvillimeve në fushën e digjitalizimit.

“Në fjalimin e saj, Presidentja theksoi se si anëtare e familjes së madhe 88-anëtarëshe të Frankofonisë, shteteve iu takon të përcjellin mesazhe të rëndësishme, jo vetëm për paqen në botë, por edhe për mundësitë e zhvillimit në epokën digjitale, të cilat janë bërë të domosdoshme sidomos pas sfidave që na përcollën gjatë pandemisë”.

“Presidentja theksoi se vlerat e përgjithshme, siç janë solidariteti, diversiteti dhe barazia, të promovuara nga Organizata Ndërkombëtare e Frankofonisë, mund të ndikojnë në krijimin e një qasjeje të përbashkët si përgjigje ndaj sfidave”.

Tutje Osmani ka theksuar se Kosova përbën histori suksesi në zhvillimin e sektorit të teknologjisë informative dhe të komunikimit duke shtuar se “Kosova po punon me këmbëngulje që ta reduktojë edhe më hendekun ndërmjet burrave dhe grave në të gjitha fushat e jetës, përfshirë edhe zhvillimin teknologjik”.

“Ne duhet të sigurohemi se do ta përdorim drejt dijen tonë, duke u kujdesur që përdorimi teknologjik t’i shërbejë afrimit dhe solidaritetit ndërmjet njerëzve dhe popujve”, theksoi ajo.





Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Fury mposht Chisoran, mbron titullin botëror të peshave të rënda

Boksieri britanik, Tyson Fury, ka mposhtur Derek Chisoran ​​për të mbrojtur titullin e tij WBC, të peshave të rënda. Meçi ka zgjatuar deri në raundin...

Më të lexuarat

BE merr ‘anë’ në raportet mes Kosovës dhe Serbisë

Emrimi i Nenad Rashiq, Ministër për Kthim dhe Komunitete nga Kryeministri i Kosovës, Albin Kurti, ka ardhur një muaj pas bojkotimit të institucioneve të...

Tentim grabitje e armatosur në një market të Gjilanit

Një tentim grabitje ka ndodhur në komunën e Gjilanit, më saktësisht në marketin Tina. Punëtorët e marketit ia kanë dalë t'ia marrin armën nga dora...

Kosova me rrugë të pasigurta, pothuajse çdo 25 minuta një...

Në rrugët e Kosovës gjatë vitit 2020, kishin ndodhur, gjithsej, 12 mijë e 657 aksidente, ndërsa në vitin 2021 numri i aksidenteve ishte rritur...

Të fundit nga rubrika