Të premten, Vjosa Osmani ka pritur në takim, zyrtaren e lartë të Sekretarit të Shtetit në Zyrën për Çështje Globale të Grave, Katrina Fotovat.
Në këtë takim, e para e vendit ka theksuar se Forumi për Gratë, Paqen dhe Sigurinë me temë “Ndërtimi i Aleancave për Paqe të Qëndrueshme”, po organizohet për herë të parë dhe përbën një nga zotimet në kuadër të Samitit për Demokraci.
Siç njofton Presidenca, ky forum është ngjarja e parë e përmasave të tilla me pjesëmarrës nga 6 kontinente.
Gratë e Kosovës, sipas Presidentes Osmani e kuptojnë shumë mirë rëndësinë e kësaj Agjende, të cilat shquhen posaçërisht për angazhimin aktiv drejt lehtësimit dhe ballafaqimit me pasojat e luftës dhe drejtësinë tranzicionale.
“Gratë e Kosovës janë shembulli në i mirë i angazhimit rreth kësaj agjende”, thuhet në njoftimin e presidencës.
Tutje, Osmani ka veçuar punën e Komisionit Qeveritar për njohjen dhe verifikimin e statusit të personave të dhunuar gjatë luftës.
Sipas saj, edhe gratë nga shoqëria civile kanë ndihmuar, gjithashtu të mbijetuarat e dhunës seksuale.
Presidentja Osmani ka theksuar se me përfshirjen e grave në proceset e paqes dhe sigurisë, rriten shanset për paqe të qëndrueshme.