Presidentja e Republikës së Kosovës, Vjosa Osmani-Sadriu, ka uruar Komitetin Paralimpik të Kosovës për pranimin në Komitetin Paralimpik të Evropës.
Gjatë së premtes, Osmani ka pritur në takim Komitetin Paralimpik të Kosovës të drejtuar nga Njomza Emini.
Kualifikimi i komitetit nga Kosova pranoi 37 vota pro nga shtetet anëtare.
Siç njofton Zyra e Presidentes, Osmani ka shprehur mbështetjen e saj për këtë kategori.
“Presidentja Osmani ka shprehur mbështetje për këtë kategori dhe ka potencuar se gjithëpërshirja e tyre, punësimi dhe jeta e dinjitetshme janë objektiv i përditshëm”, thuhet në njoftim.
Krahas kësaj, Osmani ka shprehur gatishmërinë e saj për t’i mbështetur sportistët paralimpikë edhe më tej, si dhe tha se ajo do t’u qëndrojë pranë edhe në Lojërat në Paris të vitit 2024.