“Paaftësia qeverisëse po i thellon krizat”

Për ish-ministrin e Shëndetësisë, Armend Zemaj, veprimet dhe mosveprimet e qeverisë aktuale janë shkaktarë që qytetarët e Kosovës ia kanë mësyer të ikin nga vendi

Ish-ministri i Shëndetësisë, Armend Zemaj

“Është kjo qeveri që me veprimin dhe mosveprimin e saj po i inkurajon qytetarët që ta lëshojnë vendin. Është paaftësia qeverisëse ajo që po i thellon krizat”.

Kështu është shprehur përmes një postimi në llogarinë e tij në Facebook, ish-ministri i shëndetësisë, Armend Zemaj, njëherësh edhe deputet i Lidhjes Demokratike të Kosovës.

Sipas tij, mosmiratimi i Ligjit për Paga dhe rritja e pagës minimale në nivel lëmoshe, tregon paaftësinë qeverisëse.

“Është kjo Qeveri e cila ende nuk e ka miratuar Ligjin e Pagave, ndërsa rritjen e pagës minimale e ka rritur deri në nivel lëmoshe. Në paaftësinë qeverisëse vend qendror zë padëgjueshmëria”, ka thënë ai në Ditën Ndërkombëtare të Punës.

May be an image of 6 people and people standing
Ish-ministri i shëndetësisë, Armend Zemaj

Siç ka theksuar Zemaj, një maji i vitit 2022 ka epilogun e mosrespektimit të theksuar të djersës së punëtorit, mosvlerësimit të punës së tyre, kushte më të vështira e padëgjueshmëri totale qeveritare ndaj zërit dhe të drejtave të tyre.

“Kjo qeveri po ua pamundëson edhe garën e drejtë për punësime e lëre më kushtet e punës. Në konkursin e KEK-ut aplikuan katër mijë e 668 persona, ndërsa u pranuan 128 prej tyre, dhe që të gjithë familjarë të zyrtarëve të kësaj ndërmarrjeje dhe militantë e të afërm të pushtetit”, ka shkruar ai.

Ndryshe, më rastin e kësaj dite, të dielën e një majit është mbajtur një protestë në komunën e Prishtinës, nën thirrjen “Liri, Barazi, Solidaritet”, e organizuar nga blloku antikapitalist i Kolektivit për Mendim dhe Veprim Feminist, me rastin e Ditës Ndërkombëtare të Punëtorëve.

Protesta në Prishtinë

Ndërkaq, Agjencia e Punësimit e Republikës së Kosovës (APRK), me rastin e një majit, ditës ndërkombëtare të punëtorëve, ka shprehur shqetësimet e saj në lidhje me kushtet e punëtorëve në vendin e punës.

Sipas drejtorit të kësaj agjencie, Drin Haraçija, janë rreth 83 mijë punëkërkues aktivë, të cilët pas gjashtë muajve, nëse nuk kërkojnë përsëri punë, kalojnë në listën e punëkërkuesve pasivë.

Ky numër, sipas tij, rezulton si pasojë e mungesës së kushteve primare në punë.

Siç thotë ai, gjithmonë ka vend për përmirësimin e kushteve të punëtorëve.

Sipas tij, veprimi i fundit sa i përket rritjes së pagës minimale, është një ndër faktorët që ndikon në kushtet e punëtorëve, në këto kushte luan rol edhe punëdhënësi.

“Bizneset kanë një rol shumë të rëndësishëm në këtë punë, në mënyrë që t’i kenë punëtorët afër vetës, për shkak se tregu është i hapur dhe mund të ketë lëvizje te bizneset e ndryshme, të cilat ofrojnë sigurime shëndetsore dhe kushte më të mira të punës me paga të dinjitetshme”, ka thënë Haraçija për RTV Dukagjinin.

Haraçija: Numri i punëkërkuesve është rreth 83 mijë

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika